Bókanir um félagsheimili og orlofshús

Bókanir fara fram gegnum vefsíðuna. Í viðeigandi tengli hér að ofan eru flokkar, orlofshús og félagsheimili. Þar er hægt að sjá lausa daga og sækja um hvoru tveggja. Endilega gefið sem bestar upplýsingar í umsóknir til að auðvelda skipulag umsjónarmanna. Fljótlega koma inn fleiri myndir af báðum flokkum en upplýsingar um annarsvegar orlofshúsið eru í þeim lið og svo félagsheimilið með sínar. Endilega kíkið á þetta, bókið, njótið.

Aðalfundur afstaðinn

Aðalfundur félagsins var haldinn þann 11. maí síðastliðinn. Mæting var 2 auk stjórnar. Farið var yfir árið í máli og myndum. Staða félagsins almennt góð og mikið búið að kosta bæði orlofshús og félagsheimili til að gera gott betra.

Orlofshúsið fékk nýtt sjónvarp, ný rúm, heitan pott og stærri pall núna fyrir páska og er nú orðið fullfært að skemmta okkur og gera okkur kleift að eiga þar góðar stundir. Hvet félagsmenn til að sækja um það að sumri sem vetri enda stutt frá bænum og öll þjónusta við hendina. Orlofshúsið ber nafnið Hverfissteinn og er staðsett við Syðri-Reyki.

Félagsheimilið fékk smá update. Það var málað og bónaður dúkur, keyptar gardínur og fyllt á borðbúnað. Aðstaðan er mikið notuð og hvetjum við fólk að panta í tíma ætli það að fá afnot af félagsheimilinu. Lán fyrir félagsheimilið var hækkað nú 1. maí í 25.000 krónur. Það er vegna þeirra kostnaðar sem rekstur aðstöðunnar ber með sér og inni í því eru þrif á salernum og gólfum. Endurnýjun á tækjum kostar sitt og því þótti nausyn að hækka lítillega. Við hvetjum þá sem sækja félagsheimilið að gæta að frágangi, stóla upp og vaska upp, henda rusli og skila salnum eins og þeir komu að honum, nema um annað sé samið. Þá undirstrikum við og áréttum að félagsheimilið er ekki lánað til þriðja aðila og sá sem leigir er ábyrgðarmaður og ætlast er til að hann sé á staðnum meðan viðburður fer fram.

Heiðmerkurreiturinn, hann er á sínum stað og enn er leitað í hóp félagsmanna að áhugasömum til að taka það verkefni að sér að gera reitinn nothæfann til útivistar, grills og slíks.

Annars er almennt allt gott að frétta. Arinbjörn, formaður, situr yfristjórnarfundi LRH hverja viku og mál sem við komum með þangað fá yfirleitt góða afgreiðslu og tekin fyrir um hæl.

Ef eitthvað er, ekki hika við að hafa samband.

Aðalfundur 2018

Komið sæl, þann 11 maí næstkomandi klukkan 17:00 verður aðalfundur Lögreglufélags Reykjavíkur. Fundurinn er haldinn í félagsheimili LR að Brautarholti 30. Dagskrá fundarins er hefðbundin. Boðið verður upp á léttar veitingar að fundi loknum fyrir fundargesti. Þeir hafa rétt til setu á fundinum sem eru skráðir í félagið.

Vonumst til að sjá sem flest ykkar, en meðfylgjandi hér að neðan er dagskrá fundarins.

 

Dagskrá

  1. Fundarsetning
  2. Kosning fundarstjóra
  3. Kosning fundarritara
  4. Skýrsla stjórnar
  5. Reikningar félagsins
  6. Reikningar Lögreglusjóðs og Sjúkrasjóðs
  7. Kosning fulltrúa og jafn margra varafulltrúa í eftirtaldar stjórnir og nefndir: a)3 menn í stjórn Lögreglusjóðs. b) 3 menn í minningarsjóð Erlings Pálssonar.
  8. Kosning kjörstjórnar sbr. 8 gr. laganna. auk annarra nefnda á vegum félagsins.
  9. Kosning tveggja skoðunarmanna reikninga og tveggja til vara.
  10. Lagabreytingar
  11. Önnur mál.
  12. Fundarslit.

Nú er vefsíða félagsins loksins komin í gagnið og verið að hlaða inn efni 🙂 endilega fylgist með. Þó ber að nefna að bókunarkerfi fyrir sal og orlofshús er ekki virkt og bókanir gerðar á netinu ekki gildar. Hafa þarf samband í 661 7421 fyrir salinn og samband við JóaKalla vegna orlofshúss

Kveðja,

stjórn LR

Aðalfundur afstaðinn og formannsskipti

Aðalfundur LR var haldinn þann 19.04.2017.

Á fundinn mættu 15 félagsmenn. Fundurinn hófst klukkan 1600 og lauk 16:50. Farið var yfir Ársskýrslu stjórnar 2016-2017, reikninga félgsins, kjör í nefndir og farið í önnur mál. Þá voru stjórnarskipti þar sem Arinbjörn Snorrason tók við formennsku af Guðmundi Inga Rúnarssyni. Þá er nýr stjórnarmaður Guðrún Jack óskum við henni til hamingju með sætið og bjóðum velkomna.

Vefsíðan er ný og í smíðum ennþá og biðjumst við velvirðingar á óþægindum en erum að vinna hörðum höndum að raða inn og setja síðuna upp.

//GiR